تطبيق رواية المراهقة والاربعيني بدون انترنت

#مراهقه_و_الأربعيني_25.4 مليون قرائة_لاتفوتك

#مراهقه_و_الأربعيني

هي رواية حقيقية لفتاة عراقية اخوها أرهابي (داعشي) باعها لمن ظلموها فتبدأ رحلتها مع رجل اربعيني يكبرها بثلاث عقود.

يا ترى هل الحب سيتعدى فارق العمر الذي بينهما ام يبقى الفارق.. مفارق..


،،،،،،،،بقلم زينب ماجد،،،،،،،،

كاتبة قصص واقعية عراقية


,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,


☆☆☆☆☆☆

للتمتع بلقراءة السلسة والتصفح للموقع حتى بدون انترنت حمل التطبيق

https://play.google.com/store/apps/details?id=com.morahka.engqasem




الحلقه_1

اين قلبي من ذاك القلب المتحجر..

او كلما تقربت اليه خطوه.. ابتعد..

وكلما حاولت ابعاد قلبي عنه اقترب..

ف يتركني في نارً لا ترحم ولا تِذر..

المراهقه.. هي فترة انتقاليه من مرحلة الطفوله والاستعداد لدخول مرحلة الشباب..

عادة تكون من عمر 12 سنه الى ال18 او تستمر الى عمر 21 سنه...

في هذه الفتره.. يكون عقل الانسان متقلب .. مرحله ليست بالسهل.. ف فيها يتغير شكلك صوتك فكرك مشاعرك..

هنا يكون الانسان متقلب المزاج... يصعب على الانسان البالغ فهم ما يشعر به المراهق الا الاب والام..

لذلك يفضل ترسيخ المبادى الصحيحه في عقلولهم بدل تركهم لاشخاص مجهولين  تعلمهم اشياء لا تناسبهم.. ف يقعون..

~~~~~~~~~ زينب ماجد ~~~~~~~~~

الموصل_حي الرفاعي_عائلة يحيى_الساعه 10 مساءاً

يحيى:- دخلت للبيت بليل جيت من الشغل.. فتحت الباب صحت يووووووم

ام يحيى:- هلا امي هوني انا تعال

يحيى:- اشونكي يمه..

-هلا حبيبي اشلونك انتا .. اش عملت على شغلة اقبال

-والله يما بعد حكيت مع اخوها وقال ان شاءالله خير .. بس انا خايف ما يعطوها..

-لا تقول هكذ قول ان شاءالله

-          يما منو يقبل يعطي بنتو لواحد ما عندو اهل ولا عمام ولا عشيره

-اخوالك موجودين يا امي لا تقول هكذ وكل امرك لله..

-اخذت نفس.. امنت بالله يما امنت بالله.. الا اقللكي صدق... ليليان وين

-تلقيها تدرس بالغرفه اش تريد منها

-جوعان تعملي اكل.. ناديت... ليليااااان ... قمت على رجليه ومشيت وانا اصيييح.. لك يا ليليااااااان

ليليان:- اهوووو اش يريد هذا ما يتركو الواحد يدرس براحتو.. بقى ينادي صرخت هاااا هاااا

-وجع يلي يوجع قلبك تعالي هوني احكي معك

-لا وفوقها يغلط..

ام ليليان: اي يا امي قومي شوفي اخوكي اش يريد..

-قمت هياني قمت.. اووف هااا يحيى اش تريد

-تعالي اعملي اكل جوعان كثيغ

-قاعده ادرس انا ما اطيق اعمل هسه اصبر

-اقللكي جوعان ما تفهمي انتي تعالي بسرعه لا تجبريني اتصرف غير تصرف..

-اوووووووو ليليان ليليان والله تعبت ما في غيري بالبيت يعني ما تقولو بنت تدرس وتعباني.. امشي للمطبخ وانا احكي.

والله تعبت ما احد يحس بيا يقول هاي البنت مسكينه انا من يوم يلي مات ابي انتو ما حد يرحمني..

يحيى:- لك قصي السانك لا تخليني انا اجي اقصو لراسك والله

-نصيت صوتي وانا اطلع الاكل من الثلاجه واحكي وابكي.. كثيغ اشتاق لابي هو الوحيد يلي يحس بيا

انا تعبت يارب موت واخلص من هلعيشه

يحيى:- بعدك تحكي لك يا ليليان كافي ايش قلتلكي بس اعملي اكل..

-اي وانا خدامه ليليان قومي ليليان قعدي.. ما حد يقول هاي البنت قاعده تدرس كل شوي قومي قومي

-ياااا الله انفجر راسي اشقد ما حكيتي ..والا اقللكي يلا احسن وانا يلي كنت جايبلكي هديه.. خففتي عني يرحم ابوكي

ليليان:- بلعت ريقي ااااا لا يعني انا ما قصدي اتضايق من عمل الاكل بالعكس انت فهمتني غلط انا احكي هكذ بس لانو مشتاقه لبابا وتعباني من الدراسه..

-حكي يفيدكي ما ينفع ويايا

-طيب بس اغشع (اشوف) اشنو الهديه

-راحت لغيرك يا حرام

-بيعطيك قلبك هدية اختك الوحيده تعطيها لغيرها

-صراحه لا.. بس هي حيوانه تحب مصلحتا بس

-لا لا ما هكذ ابدا.. كل القصه كنت تعباني يا اخي اشبيك انتا..

-بقيت ادحق بعيونا وابتسم.. طيب راح اعطيكي لما تكملي الاكل..

-لا لا لا هسه هسه علمود يصير عندي طاقه اكمل الشغل بسرعه..

-هههههههه طيب طيب... دخلت ايدي بجيبتي وطلعت كيس في شغلات بناتيه.. واعطيتو الها

ليليان:- طلعلي الكيس وبي اسوار وحجل و محبس وقلاده خناقه يصيرون من خيط اسود نايلون مطاط

دحقتو وانا طايره من الفرح اخذت الهديه وحظنتو لاخي حبيبيييييييي احبك احبك احبك..

-وانا احبكي بس كملي الاكل يرحم اهلك ميت جوع

-يأمر حبيبي يهوووو

-هسه صرت حبيبي ... طيب وشغلة موت واخلص نسيتيها

-ههههههههههه لك لا تصدق كلشي.. انا احكي كلام فاضي

-ليليان كملي الاكل وتعالي اقيعدي معي عندي حكي نحكي انا وانتي بخصوص حنا

-اووو يحيى صدقني ما اريدو لحنا بس امي.....

-كملي وتعالي نحكي

- ماشي خليت الاكل ع النار وقعدت البس بالاكسيسوار يلي جابم يحيى

كثيغ حيلوات وحبيتم خاصه القلاده ع رقبتي صارت تجنن..

لحظه قبل ما ابعث الاكل لاخي.. ضروري احكي عن نفسي شوي..

انا اسمي ليليان.. عمري 17 سنه.. صف خامس علمي..

مسيحيه بس اخي مسلم..

شغله حيرة كل من شافنا انا واخي.. اشلون انا مسيحيه واخي مسلم رغم انا وهو من نفس الاب..

ابي اسمو جرجيس.. مسيحي من ام واب مسيح.. اتزوج امي وكانو سعيدين بحياتم..

بس الله شاء وما رزقم اطفال.. وهو يحبها لامي.. ما يطيق يطلقها.. بس كان يحب انو يجيلو طفل..

7 اسنين ما تركو دكتور الا ورحولو كن يعالجو امي بس ما تعالجت..

تعسر الامر على بابا بوقتها.. الطلاق صعب عند المسيح ما يقدر يطلق براحتو.. الا بخيانه ودليل يثبت خيانتو يلا يتم الطلاق

هكذ قانون المسيح بالعراق الطلاق عندم كلش صعب.. وايضا ماكو زواج ثاني دينا ما يسمح بتعدد الزوجات..

ف بقى بابا حاير وهو بنفسو الطفل.. الى ان قرر يسلم ويعتنق الاسلام حتى تتغير جنسيتو ويسمحولو بالزواج من ثانيه..

وبالفعل اسلم... ولما اسلم اهلو كلهم تبرو منو اعتبرو كفر بدين المسيح.. فطردو منم وانتقل مع امي اللي ما طاقت تتركو وحدو.. وبقت وياه..

واتزوج مرا اسمها خالديه.. وبعد شهرين حملت خالديه بطفل وجابت اخي يحيى بعدها حملت بطفل ثاني وسمتو امير..

بس امير ما طاق كان مريض اول ايام وتوفى.. بعدها ما صار عدها اطفال وقيعدت وبقت مع بابا..

بعد سنين وبمشيئة الرب قدر لامي تحبل وتصير حامل.. كان بابا كثيغ سعيد بحمل امي..

وكأن معجزه صارت.. ومرت الايام وجابتني انا ليليان..

اخي كانت امو مسلمه فعلمته الاسلام وما قبلت يصير مسيحي..

وانا امي علمتني المسيح وما قبلت اصير مسلمه..

ابويا كان غجال (رجال) فقير يا دوبو يشتغل ويرجع يلف راسو وينام.. ما عليه بينا

بس الامانه لله كان يحبني كثيغ.. ويدارينو.. وكنت مدلله عندو .. لاني بنت حبيتو يلي من دينو الاصلي ويلي حاربت ووقفت وياه طول عمرو

كان يحب يحيى بس مو مثلي انا كان يحبني اكثغ..

بحكم جنسيتي يلي تقرأ مسلمه.. انجبرت ادرس الاسلام واطّلع عليه.. بدرس الاسلاميه..

وكنت احفظ ايات قران كثيغه.. بس ما اسلمت وبقيت مع امي احظر قداس كل يوم احد واصلي وانتمي لجذوري وما اسلم..

كبرنا وصار اخي اسلامي جيد ويحفظ القران بكثره وبابا ما كان يمانع عندو الدين انك تعبد الله ما كان يمنع نتبع من

اما انا فكان الصليب ما يفارق رقبتي وكل دعواي ليسوع وامنا العذرا..

قبل سنه شاء القدر وتمرض بابا بمرض سرطان الدم.. حاولنا نعالجو بس ما قدرنا 4 اشهر وفارقنا

كثيغ بكيت علينو.. كان حبيبي وصديقي وامني واماني.. من مات حسيت انو انا وقفت حياتي وما بقالي احد استند عليه

صح كان يحيى موجود بس مثل اي اثنين اخوه.. نتكاون على طول وبعدين نتصالح.. كثيغ مرات يقسي عليا بس يصالحني ما اقدر اكرهو ابقى احبو لانو اخي الوحيد..

من بعد موت ابي.. اخي يريدني اتزوج مسلم حتى اسلم.. وامي تريدني اتزوج مسيحي حتى ابقى ع ديني المسيح.. وما اكفر

انا ما كان عندي مانع بالاديان .. بس انا ما عاجبني تدخلم بحياتي بهكذ شكل .. لسه ما خلصت دراستي..

ومثل اي بنت.. تنتظر فارس احلامها يجي ياخدها بالفرس الابيض وامشي معو لمكان بعيد عن صراعات اهلي القوميه..

ابن خالي اسمو حنا .. تقول امي انو هو يحبني كثيغ ويريد يتزوجني.. بس انا ما احبو ابدا..

حنا شاب عمرو 21 سنه طالب كلية ما اعرف اي قسم ولا يهمني اعرف.. بس شكلو اشقر وعيونو زرق والشعر كفشه.. والطول ما اعرف كم مو طويل يمكن 170سم..

صراحه اكره هذا الشكل كلش.. احب صفات عراقيه اسمر شعرو مرتب ما كفشه.. خشن يعني احس بينو رجل

اما حنا فكنت احس نفسي جنبو غجال قد ما حلو ويتمايل بالكلام ويجبر حالو يحكي بغدادي عود حتى اغشعوني انا مثقف..

ما كنت احب هكذ تصرفات وشكل ابدا.. بس امي مصره اخذو وتقلي اخذي اللي يحبك ما اللي تحبي..

انا ما اريد اتزوج ابدا اي حب اي بطيخ.. امي تحكي وحدها.. اروح اخذ الاكل لاخي احسن..

خليت الصينيه وقعدت جنب اخي .. هو ياكل وانا شاركتو الاكل..

يحيى:- ما تعشيتي

-لا تعشيت بس اشاركك ما يصير ؟

-هزيت راسي ... مفجوعه..

-هع هع هع

-اقول ليليان حنا اش سالفتك انتي وامك وياه..

-يحيى دخيل ربك والله ما اريدو..

-طيب ليش عمتي تقول يريد يخطبك

-امي تحكي باللي يطلع بمزاجها..

-ليليان انا صديقي خالد تقدم لخطبتك امبارح اشنو رأيك..

-يحيى اشنو تحكي انا ما اريد اتزوج

-وليمتى؟ ليليان انتي كبرتي

-اشنو كبرت يحيى عمري 16 سنه.. وكل اللي معي بالمدرسه ما متزوجين..

-وين تريدي توصلي بالدراسه.. اللي عندم شهادة هندسه ما فلحو ولا لقو تعيين وانتي تغيدي تدرسي ليليان فكري اكثغ بحياتك

خالد غجال والنعم منو وانا امن عليكي عندو اما حنا ف انا ما اقبل بي ولا اريدو ابدا.. خليها ابالكي

-يحيى وانا اقلك ما اغيد لا حنا ولا صديقك.. فهمت قمت منه زعلانه واعصابي تالفه.

يحيى:- ما على راحتك تتزوجي يعني تتزوجي اريد اتزوج واخلص .. ما اخلص عمري وانا اصرف عليكي وعلى امك..

ليليان:- اشنو اللي صرفتا علينو هااا .. خالي قاعد يبعث لامي كل شهر مبلغ واحنا نصرف منو.. استكثرت الاكل يلي انت تتسوقو للبيت..

اطمن منا ورايح اكل اندومي وما اشاركك الأكل .. ارتاح... تركتو وهو يحكي ويغلط ...رحت للغرفه لاقتني امي..

-اشنو يريد منكي يحيى

-يا ماما بس خلصوني ما اريد اتزوج حرام عليكم.. خلصوني

-يا حيوانه حنا يحبكي ومستعد يلبيلكي كل اللي تتمنيه اشنو تغيدي اكثغ ؟

-اللي اتمناه ما اتزوج بس... فهمتي.. رادت تحكي.. صرخت يا امي يكفي ما اريد اسمع شي لخاطر يسوع يامي

لزمت الكتاب اريد اقره بينو ما افهم شي قد ما عقلي بي كثيغ سوالف يعني اشنو ما اغيد اتزوج هي بالغصب..

طبقت الكتاب.. وحظرت جدولي وصفيت جنطتي وغراضي وفرشت الي ولأمي ونمت ع فراشي وانا افكر..

اوووف يحسبون عندي ام.. كل هما اتزوج وتخلص مني ولا كأني الوحيده. وتجبرني اتزوج ابن اخوها المايع

وينك بابا لو انت هوني ما كان انا حالي هكذ كان منعتم وقلتلم هاي بنتي الوحيده ما اسمح لويحد يأذيها..

يا مريم العذراء يا أمي ساعديني ارجوكي.. صرت ابكي بفراشي كثيغ لوحدي.. شوي وحست امي عليا

-لا يا غبيه ليش تبكي انا اغيد مصلحتك بس يلا ابكي براحتك من يبكي كثيرا يضحك اخيرا.. ابكي اقللكي ابكي بتالي راح تضحكي ويا حنا كثيغ

-ينعل ابو حنا

-اشنو قلتي ولك

-قلت تصبحين على خير امي..

<<<<♡♡♡>>>>

الانبار_الرمادي_بيت ابو حرب الساعه 11 بليل

عابد:- ولج انتي معليج بيه افتهمتي احب 10 عشرين انتي شكو شنو ترديني كلي الج

نور:- هو شنو شعليه بيك غير رجلي عجل اني ها شنو خراعة خضره يوميه حاب عليه وملابسك كلها حمر نسوان

عابد:- الكعده يمج تكصر العمر متابعة القراءة